Apple TV ជាទូរទស្សន៍ដែលបំពាក់នូវបច្ចេកវិទ្យាឆ្លាតវៃជាងគេបំផុត
08-December-2015 | ដោយ មួយឡា
ទូរទស្សន៍ ត្រូវបានចាត់ទុកថាជាផ្នែកដ៏សំខាន់បំផុតនៅក្នុងជីវិតរស់នៅ ប្រចាំថ្ងៃក្នុងពេលបច្ចុប្បន្ននេះ។ មនុស្សភាគច្រើនចូលចិត្តជួបជុំគ្នាដើម្បីកម្សាន្តមើលវីដេអូនៅលើ ទូរទស្សន៍អេក្រង់ធំដើម្បីទស្សនាកម្មវិធីផ្សាយផ្ទាល់ធំៗ ឬព្រឹត្តិការណ៍ដ៏អស្ចារ្យជាច្រើនទៀតនៅលើពិភពលោក។ សម្រាប់សម័យបច្ចេកវិទ្យាក្នុងសតវត្សទី ២១ នេះ មនុស្សភាគច្រើននៅតែប្រើប្រាស់ Apps មួយចំនួនដូចជា HBO NOW, Watch ESPN, Netflix, Hulu, iTunes ដែលភាគច្រើនប្រើប្រាស់សម្រាប់មើលទូរទស្សន៍ក្នុងពេលបច្ចុប្បន្ននេះ ។
អ្វីដែលជារបបគំហើញថ្មីរបស់ក្រុមហ៊ុន Apple ដែលបង្កើតបាននូវប្រព័ន្ធប្រតិបត្តិការសម្រាប់ទូរទស្សន៍មានឈ្មោះថា tvOS ដែលជារបបគំហើញអស្ចារ្យអាចធ្វើការភ្ជាប់ជាមួយនឹងអេក្រង់ទូរទស្សន៍ របស់អ្នក ពិសេសការប្រើប្រាស់មុខងារ Siri ដ៏ឆ្លាតវៃក្នុងការស្វែងរកព័ត៌មានដែលអ្នកត្រូវការបានរហ័ស និងកាន់តែងាយស្រួលតាមចិត្តរបស់អ្នក។ ទូរទស្សន៍ដ៏ឆ្លាតវៃ និងអស្ចារ្យនេះមានឈ្មោះថា Apple TV ដែលបំពាក់នូវបច្ចេកវិទ្យាឈានមុខគេបំផុត។
Apple TV ផ្តល់នូវសិទ្ធិដល់លោកអ្នកក្នុងការទស្សនានូវកម្មវិធីទូរទស្សន៍ ល្បីៗជាច្រើនតាមរយៈ Apps ដូចជា Netflix, Hulu និង iTunes ដែលប្រមូលផ្តុំទៅដោយរឿងល្បីៗ និងកម្មវិធី TV Shows ជាច្រើនទៀត។ ចំនែក HBO NOW និង SHOWTIME ផ្តល់នូវរឿងភាគហូលីវូដជាច្រើនដ៏សម្បូរបែប។ អ្នកអាចមើលបាននូវកីឡាដែលអ្នកពេញចិត្ត ព័ត៌មានទាន់ហេតុការណ៍ ការព្យាករណ៍អាកាសធាតុ វីដេអូកំប្លែងៗ កម្មវិធីប្រគុំតន្ត្រី កម្មវិធីសិក្សាអប់រំ និងជាច្រើនទៀត។
Apple TV ប្រមូលផ្តុំនូវការកម្សាន្តថ្មីៗទាំងអស់នៅលើកម្មវិធី iTunes របស់អ្នក។ អ្នកអាចធ្វើការទស្សនានូវរឿងល្បីៗជាច្រើនដែលពេញនិយមបំផុតជា រៀងរាល់ថ្ងៃបាននៅលើ iTunes ។ រឿងទាំងអស់ដែលត្រូវបានដាក់លក់នៅលើ DVD និងកម្មវិធី TV Shows ជាច្រើនទៀតសុទ្ធតែបង្ហាញខ្លួននៅលើ Apple TV ទាំងអស់។
ប្រភព៖ apple , sportkh
ចំនួនអ្នកទស្សនា
- ថ្ងៃនេះ2761
- ម្សិលមិញ12561
- សប្តាហ៍នេះ30711
- ខែនេះ52591
- ឆ្នាំនេះ52591
- សរុប20495047